१८.१अर्जुन उवाच arjuna uvācaसंन्यासस्य महाबाहो तत्त्वमिच्छामि वेदितुम्।त्यागस्य च हृषीकेश पृथक्केशिनिषूदन॥
saṁnyāsasya mahābāho tattvamicchāmi veditum |tyāgasya ca hṛṣīkeśa pṛthakkeśiniṣūdana ||
Arjuna said: I desire, O mighty-armed, to know severally the essence of renunciation, O Hrishîkesha, and of relinquishment, O Keshinishûdana.
१८.२श्रीभगवानुवाच śrībhagavānuvācaकाम्यानां कर्मणां न्यासं संन्यासं कवयो विदुः।सर्वकर्मफलत्यागं प्राहुस्त्यागं विचक्षणाः॥
kāmyānāṁ karmaṇāṁ nyāsaṁ saṁnyāsaṁ kavayo viduḥ |sarvakarmaphalatyāgaṁ prāhustyāgaṁ vicakṣaṇāḥ ||
The Blessed Lord said: Sages have known as renunciation the renouncing of works with desire; the relinquishing of the fruit of all actions is called relinquishment by the wise.
१८.३त्याज्यं दोषवदित्येके कर्म प्राहुर्मनीषिणः।यज्ञदानतपःकर्म न त्याज्यमिति चापरे॥
tyājyaṁ doṣavadityeke karma prāhurmanīṣiṇaḥ |yajñadānatapaḥkarma na tyājyamiti cāpare ||
"Action should be relinquished as an evil," declare some thoughtful men; "acts of sacrifice, gift and austerity should not be relinquished," say others.
१८.४निश्चयं शृणु मे तत्र त्यागे भरतसत्तम।त्यागो हि पुरुषव्याघ्र त्रिविधः संप्रकीर्तितः॥
niścayaṁ śṛṇu me tatra tyāge bharatasattama |tyāgo hi puruṣavyāghra trividhaḥ saṁprakīrtitaḥ ||
Hear my conclusions as to that relinquishment, O best of the Bhâratas; since relinquishment, O tiger of men, has been explained as threefold.
१८.५यज्ञदानतपःकर्म न त्याज्यं कार्यमेव तत्।यज्ञो दानं तपश्चैव पावनानि मनीषिणाम्॥
yajñadānatapaḥkarma na tyājyaṁ kāryameva tat |yajño dānaṁ tapaścaiva pāvanāni manīṣiṇām ||
Acts of sacrifice, gift and austerity should not be relinquished, but should be performed; sacrifice, gift and also austerity are the purifiers of the intelligent.
१८.६एतान्यपि तु कर्माणि सङ्गं त्यक्त्वा फलानि च।कर्तव्यानीति मे पार्थ निश्चितं मतमुत्तमम्॥
etānyapi tu karmāṇi saṅgaṁ tyaktvā phalāni ca |kartavyānīti me pārtha niścitaṁ matamuttamam ||
But even these actions should be done leaving aside attachment and fruit, O Pârtha; that is my certain and best belief.
१८.७नियतस्य तु संन्यासः कर्मणो नोपपद्यते।मोहात्तस्य परित्यागस्तामसः परिकीर्तितः॥
niyatasya tu saṁnyāsaḥ karmaṇo nopapadyate |mohāttasya parityāgastāmasaḥ parikīrtitaḥ ||
Verily renunciation of actions that are prescribed is not proper; the relinquishment thereof from delusion is said to be of darkness.
१८.८दुःखमित्येव यत्कर्म कायक्लेशभयात्त्यजेत्।स कृत्वा राजसं त्यागं नैव त्यागफलं लभेत्॥
duḥkhamityeva yatkarma kāyakleśabhayāttyajet |sa kṛtvā rājasaṁ tyāgaṁ naiva tyāgaphalaṁ labhet ||
He who relinquisheth an action from fear of physical suffering, saying "Painful," thus performing a passionate relinquishment, obtaineth not the fruit of relinquishment.
१८.९कार्यमित्येव यत्कर्म नियतं क्रियतेऽर्जुन।सङ्गं त्यक्त्वा फलं चैव स त्यागः सात्त्विको मतः॥
kāryamityeva yatkarma niyataṁ kriyate'rjuna |saṅgaṁ tyaktvā phalaṁ caiva sa tyāgaḥ sāttviko mataḥ ||
He who performeth a prescribed action, saying, "it ought to be done," O Arjuna, relinquishing attachment and also fruit, that relinquishment is regarded as pure.
१८.१०न द्वेष्ट्यकुशलं कर्म कुशले नानुषज्जते।त्यागी सत्त्वसमाविष्टो मेधावी छिन्नसंशयः॥
na dveṣṭyakuśalaṁ karma kuśale nānuṣajjate |tyāgī sattvasamāviṣṭo medhāvī chinnasaṁśayaḥ ||
The relinquisher pervaded by purity, intelligent and with doubts cut away, hateth not unpleasurable action nor is attached to pleasurable.
१८.११न हि देहभृता शक्यं त्यक्तुं कर्माण्यशेषतः।यस्तु कर्मफलत्यागी स त्यागीत्यभिधीयते॥
na hi dehabhṛtā śakyaṁ tyaktuṁ karmāṇyaśeṣataḥ |yastu karmaphalatyāgī sa tyāgītyabhidhīyate ||
Nor indeed can embodied beings completely relinquish action; verily he who relinquisheth the fruit of action, he is said to be a relinquisher.
१८.१२अनिष्टमिष्टं मिश्रं च त्रिविधं कर्मणः फलम्।भवत्यत्यागिनां प्रेत्य न तु संन्यासिनां क्वचित्॥
aniṣṭamiṣṭaṁ miśraṁ ca trividhaṁ karmaṇaḥ phalam |bhavatyatyāgināṁ pretya na tu saṁnyāsināṁ kvacit ||
Good, evil and mixed—threefold is the fruit of action hereafter for the non-relinquisher; but there is none ever for the renouncer.
१८.१३पञ्चैतानि महाबाहो कारणानि निबोध मे।सांख्ये कृतान्ते प्रोक्तानि सिद्धये सर्वकर्मणाम्॥
pañcaitāni mahābāho kāraṇāni nibodha me |sāṁkhye kṛtānte proktāni siddhaye sarvakarmaṇām ||
These five causes, O mighty-armed, learn of Me as declared in the Sâñkhya system for the accomplishment of all actions:
१८.१४अधिष्ठानं तथा कर्ता करणं च पृथग्विधम्।विविधाश्च पृथक्चेष्टा दैवं चैवात्र पञ्चमम्॥
adhiṣṭhānaṁ tathā kartā karaṇaṁ ca pṛthagvidham |vividhāśca pṛthakceṣṭā daivaṁ caivātra pañcamam ||
The body, the actor, the various organs, the diverse kinds of energies, and the presiding deities also, the fifth.
१८.१५शरीरवाङ्मनोभिर्यत्कर्म प्रारभते नरः।न्याय्यं वा विपरीतं वा पञ्चैते तस्य हेतवः॥
śarīravāṅmanobhiryatkarma prārabhate naraḥ |nyāyyaṁ vā viparītaṁ vā pañcaite tasya hetavaḥ ||
Whatever action a man performeth by his body, speech and mind, whether right or the reverse, these five are the cause thereof.
१८.१६तत्रैवं सति कर्तारमात्मानं केवलं तु यः।पश्यत्यकृतबुद्धित्वान्न स पश्यति दुर्मतिः॥
tatraivaṁ sati kartāramātmānaṁ kevalaṁ tu yaḥ |paśyatyakṛtabuddhitvānna sa paśyati durmatiḥ ||
That being so, he verily who—owing to untrained Reason—looketh on his Self, which is isolated, as the actor, he of perverted intelligence, seeth not.
१८.१७यस्य नाहंकृतो भावो बुद्धिर्यस्य न लिप्यते।हत्वापि स इमाँल्लोकान्न हन्ति न निबध्यते॥
yasya nāhaṁkṛto bhāvo buddhiryasya na lipyate |hatvāpi sa imām̐llokānna hanti na nibadhyate ||
He who is free from the egoistic notion, whose Reason is not affected, though he slay these peoples, he slayeth not, nor is bound.
१८.१८ज्ञानं ज्ञेयं परिज्ञाता त्रिविधा कर्मचोदना।करणं कर्म कर्तेति त्रिविधः कर्मसंग्रहः॥
jñānaṁ jñeyaṁ parijñātā trividhā karmacodanā |karaṇaṁ karma karteti trividhaḥ karmasaṁgrahaḥ ||
Knowledge, the knowable and the knower, the threefold impulse to action; the organ, the action, the actor, the threefold constituents of action.
१८.१९ज्ञानं कर्म च कर्ता च त्रिधैव गुणभेदतः।प्रोच्यते गुणसंख्याने यथावच्छृणु तान्यपि॥
jñānaṁ karma ca kartā ca tridhaiva guṇabhedataḥ |procyate guṇasaṁkhyāne yathāvacchṛṇu tānyapi ||
Knowledge, action and actor in the category of qualities are also said to be severally threefold, from the difference of qualities; hear thou duly these also.
१८.२०सर्वभूतेषु येनैकं भावमव्ययमीक्षते।अविभक्तं विभक्तेषु तज्ज्ञानं विद्धि सात्त्विकम्॥
sarvabhūteṣu yenaikaṁ bhāvamavyayamīkṣate |avibhaktaṁ vibhakteṣu tajjñānaṁ viddhi sāttvikam ||
That by which one indestructible Being is seen in all beings, inseparate in the separated, know thou that knowledge as pure.
१८.२१पृथक्त्वेन तु यज्ज्ञानं नानाभावान्पृथग्विधान्।वेत्ति सर्वेषु भूतेषु तज्ज्ञानं विद्धि राजसम्॥
pṛthaktvena tu yajjñānaṁ nānābhāvānpṛthagvidhān |vetti sarveṣu bhūteṣu tajjñānaṁ viddhi rājasam ||
But that knowledge which regardeth the several manifold existences in all beings as separate, that knowledge know thou as of passion;
१८.२२यत्तु कृत्स्नवदेकस्मिन्कार्ये सक्तमहैतुकम्।अतत्त्वार्थवदल्पं च तत्तामसमुदाहृतम्॥
yattu kṛtsnavadekasminkārye saktamahaitukam |atattvārthavadalpaṁ ca tattāmasamudāhṛtam ||
While that which clingeth to each one thing as if it were the whole, without reason, without grasping the reality, narrow, that is declared to be dark.
१८.२३नियतं सङ्गरहितमरागद्वेषतः कृतम्।अफलप्रेप्सुना कर्म यत्तत्सात्त्विकमुच्यते॥
niyataṁ saṅgarahitamarāgadveṣataḥ kṛtam |aphalaprepsunā karma yattatsāttvikamucyate ||
An action which is ordained, done by one undesirous of fruit, devoid of attachment, without love or hate, that is called pure.
१८.२४यत्तु कामेप्सुना कर्म साहङ्कारेण वा पुनः।क्रियते बहुलायासं तद्राजसमुदाहृतम्॥
yattu kāmepsunā karma sāhaṅkāreṇa vā punaḥ |kriyate bahulāyāsaṁ tadrājasamudāhṛtam ||
But that action that is done by one longing for desires, or again with egoism, or with much effort, that is declared to be passionate.
१८.२५अनुबन्धं क्षयं हिंसामनपेक्ष्य च पौरुषम्।मोहादारभ्यते कर्म यत्तत्तामसमुच्यते॥
anubandhaṁ kṣayaṁ hiṁsāmanapekṣya ca pauruṣam |mohādārabhyate karma yattattāmasamucyate ||
The action undertaken from delusion, without regard to capacity and consequences—loss and injury to others—that is declared to be dark.
१८.२६मुक्तसङ्गोऽनहंवादी धृत्युत्साहसमन्वितः।सिद्ध्यसिद्ध्योर्निर्विकारः कर्ता सात्त्विक उच्यते॥
muktasaṅgo'nahaṁvādī dhṛtyutsāhasamanvitaḥ |siddhyasiddhyornirvikāraḥ kartā sāttvika ucyate ||
Liberated from attachment, not egoistic, endued with firmness and confidence, unchanged by success or failure, that actor is called pure.
१८.२७रागी कर्मफलप्रेप्सुर्लुब्धो हिंसात्मकोऽशुचिः।हर्षशोकान्वितः कर्ता राजसः परिकीर्तितः॥
rāgī karmaphalaprepsurlubdho hiṁsātmako'śuciḥ |harṣaśokānvitaḥ kartā rājasaḥ parikīrtitaḥ ||
Impassioned, desiring to obtain the fruit of actions, greedy, harmful, impure, moved by joy and sorrow, such an actor is pronounced passionate.
१८.२८अयुक्तः प्राकृतः स्तब्धः शठो नैष्कृतिकोऽलसः।विषादी दीर्घसूत्री च कर्ता तामस उच्यते॥
ayuktaḥ prākṛtaḥ stabdhaḥ śaṭho naiṣkṛtiko'lasaḥ |viṣādī dīrghasūtrī ca kartā tāmasa ucyate ||
Discordant, vulgar, stubborn, cheating, malicious, indolent, despairful, procrastinating, that actor is called dark.
१८.२९बुद्धेर्भेदं धृतेश्चैव गुणतस्त्रिविधं शृणु।प्रोच्यमानमशेषेण पृथक्त्वेन धनञ्जय॥
buddherbhedaṁ dhṛteścaiva guṇatastrividhaṁ śṛṇu |procyamānamaśeṣeṇa pṛthaktvena dhanañjaya ||
The division of Reason and of firmness also, threefold according to the qualities, hear thou related, unreservedly and severally, O Dhananjaya.
१८.३०प्रवृत्तिं च निवृत्तिं च कार्याकार्ये भयाभये।बन्धं मोक्षं च या वेत्ति बुद्धिः सा पार्थ सात्त्विकी॥
pravṛttiṁ ca nivṛttiṁ ca kāryākārye bhayābhaye |bandhaṁ mokṣaṁ ca yā vetti buddhiḥ sā pārtha sāttvikī ||
That which knoweth energy and abstinence, what ought to be done and what ought not to be done, fear and fearlessness, bondage and liberation, that Reason is pure, O Pârtha.
१८.३१यया धर्ममधर्मं च कार्यं चाकार्यमेव च।अयथावत्प्रजानाति बुद्धिः सा पार्थ राजसी॥
yayā dharmamadharmaṁ ca kāryaṁ cākāryameva ca |ayathāvatprajānāti buddhiḥ sā pārtha rājasī ||
That by which one understandeth away Right and Wrong and also what ought to be done and what ought not to be done, that Reason, O Pârtha, is passionate.
१८.३२अधर्मं धर्ममिति या मन्यते तमसाऽऽवृता।सर्वार्थान्विपरीतांश्च बुद्धिः सा पार्थ तामसी॥
adharmaṁ dharmamiti yā manyate tamasā''vṛtā |sarvārthānviparītāṁśca buddhiḥ sā pārtha tāmasī ||
That which, enwrapped in darkness, thinketh wrong to be right and seeth all things subverted, that Reason, O Pârtha, is of darkness.
१८.३३धृत्या यया धारयते मनःप्राणेन्द्रियक्रियाः।योगेनाव्यभिचारिण्या धृतिः सा पार्थ सात्त्विकी॥
dhṛtyā yayā dhārayate manaḥprāṇendriyakriyāḥ |yogenāvyabhicāriṇyā dhṛtiḥ sā pārtha sāttvikī ||
The unwavering firmness by which, through Yoga, one restraineth the activity of the mind, of the life breaths and of the sense-organs, that firmness, O Pârtha, is pure.
१८.३४यया तु धर्मकामार्थान् धृत्या धारयतेऽर्जुन।प्रसङ्गेन फलाकाङ्क्षी धृतिः सा पार्थ राजसी॥
yayā tu dharmakāmārthān dhṛtyā dhārayate'rjuna |prasaṅgena phalākāṅkṣī dhṛtiḥ sā pārtha rājasī ||
But the firmness, O Arjuna, by which, from attachment desirous of fruit, one holdeth fast duty, desire and wealth, that firmness, O Pârtha, is passionate.
१८.३५यया स्वप्नं भयं शोकं विषादं मदमेव च।न विमुञ्चति दुर्मेधा धृतिः सा पार्थ तामसी॥
yayā svapnaṁ bhayaṁ śokaṁ viṣādaṁ madameva ca |na vimuñcati durmedhā dhṛtiḥ sā pārtha tāmasī ||
That by which one from stupidity doth not abandon sleep, fear, grief, despair, and also vanity, that firmness, O Pârtha, is dark.
१८.३६सुखं त्विदानीं त्रिविधं शृणु मे भरतर्षभ।अभ्यासाद्रमते यत्र दुःखान्तं च निगच्छति॥
sukhaṁ tvidānīṁ trividhaṁ śṛṇu me bharatarṣabha |abhyāsādramate yatra duḥkhāntaṁ ca nigacchati ||
And now the threefold kinds of pleasure hear thou from Me, O bull of the Bhâratas. That in which one by practice rejoiceth, and which putteth an end to pain;
१८.३७यत्तदग्रे विषमिव परिणामेऽमृतोपमम्।तत्सुखं सात्त्विकं प्रोक्तमात्मबुद्धिप्रसादजम्॥
yattadagre viṣamiva pariṇāme'mṛtopamam |tatsukhaṁ sāttvikaṁ proktamātmabuddhiprasādajam ||
Which at first is as venom but in the end is as nectar; that pleasure is said to be pure, born of the blissful knowledge of the Self.
१८.३८विषयेन्द्रियसंयोगाद्यत्तदग्रेऽमृतोपमम्।परिणामे विषमिव तत्सुखं राजसं स्मृतम्॥
viṣayendriyasaṁyogādyattadagre'mṛtopamam |pariṇāme viṣamiva tatsukhaṁ rājasaṁ smṛtam ||
That which from the union of the senses with their objects at first is as nectar, but in the end is like venom, that pleasure is accounted passionate.
१८.३९यदग्रे चानुबन्धे च सुखं मोहनमात्मनः।निद्रालस्यप्रमादोत्थं तत्तामसमुदाहृतम्॥
yadagre cānubandhe ca sukhaṁ mohanamātmanaḥ |nidrālasyapramādotthaṁ tattāmasamudāhṛtam ||
That pleasure which both at first and afterwards is delusive of the self, arising from sleep, indolence and heedlessness, that is declared dark.
१८.४०न तदस्ति पृथिव्यां वा दिवि देवेषु वा पुनः।सत्त्वं प्रकृतिजैर्मुक्तं यदेभिः स्यात्त्रिभिर्गुणैः॥
na tadasti pṛthivyāṁ vā divi deveṣu vā punaḥ |sattvaṁ prakṛtijairmuktaṁ yadebhiḥ syāttribhirguṇaiḥ ||
There is not an entity, either on the earth or again in heaven among the Shining Ones, that is liberated from these three qualities, born of Matter.
१८.४१ब्राह्मणक्षत्रियविशां शूद्राणां च परंतप।कर्माणि प्रविभक्तानि स्वभावप्रभवैर्गुणैः॥
brāhmaṇakṣatriyaviśāṁ śūdrāṇāṁ ca paraṁtapa |karmāṇi pravibhaktāni svabhāvaprabhavairguṇaiḥ ||
Of Brâhmanas, Kshattriyas, Vaishyas and Shûdras, O Parantapa, the duties have been distributed, according to the qualities born of their own natures.
१८.४२शमो दमस्तपः शौचं क्षान्तिरार्जवमेव च।ज्ञानं विज्ञानमास्तिक्यं ब्रह्मकर्म स्वभावजम्॥
śamo damastapaḥ śaucaṁ kṣāntirārjavameva ca |jñānaṁ vijñānamāstikyaṁ brahmakarma svabhāvajam ||
Serenity, self-restraint, austerity, purity, forgiveness and also uprightness, wisdom, knowledge, belief in God, are the Brâhmana duty, born of his own nature.
१८.४३शौर्यं तेजो धृतिर्दाक्ष्यं युद्धे चाप्यपलायनम्।दानमीश्वरभावश्च क्षात्रं कर्म स्वभावजम्॥
śauryaṁ tejo dhṛtirdākṣyaṁ yuddhe cāpyapalāyanam |dānamīśvarabhāvaśca kṣātraṁ karma svabhāvajam ||
Prowess, splendour, firmness, dexterity, and also not flying from battle, generosity, the nature of a ruler, are the Kshattriya duty, born of his own nature.
१८.४४कृषिगौरक्ष्यवाणिज्यं वैश्यकर्म स्वभावजम्।परिचर्यात्मकं कर्म शूद्रस्यापि स्वभावजम्॥
kṛṣigaurakṣyavāṇijyaṁ vaiśyakarma svabhāvajam |paricaryātmakaṁ karma śūdrasyāpi svabhāvajam ||
Ploughing, protection of kine, and trade are the Vaishya duty, born of his own nature. Action of the nature of service is the Shûdra duty, born of his own nature.
१८.४५स्वे स्वे कर्मण्यभिरतः संसिद्धिं लभते नरः।स्वकर्मनिरतः सिद्धिं यथा विन्दति तच्छृणु॥
sve sve karmaṇyabhirataḥ saṁsiddhiṁ labhate naraḥ |svakarmanirataḥ siddhiṁ yathā vindati tacchṛṇu ||
Man reacheth perfection by each being intent on his own duty. Listen thou how perfection is won by him who is intent on his own duty.
१८.४६यतः प्रवृत्तिर्भूतानां येन सर्वमिदं ततम्।स्वकर्मणा तमभ्यर्च्य सिद्धिं विन्दति मानवः॥
yataḥ pravṛttirbhūtānāṁ yena sarvamidaṁ tatam |svakarmaṇā tamabhyarcya siddhiṁ vindati mānavaḥ ||
He from whom is the emanation of beings, by Whom all This is pervaded, by worshipping Him in his own duty a man winneth perfection.
१८.४७श्रेयान्स्वधर्मो विगुणः परधर्मात्स्वनुष्ठितात्।स्वभावनियतं कर्म कुर्वन्नाप्नोति किल्बिषम्॥
śreyānsvadharmo viguṇaḥ paradharmātsvanuṣṭhitāt |svabhāvaniyataṁ karma kurvannāpnoti kilbiṣam ||
Better is one's own duty though destitute of merits than the well-executed duty of another. He who doeth the duty laid down by his own nature incurreth not sin.
१८.४८सहजं कर्म कौन्तेय सदोषमपि न त्यजेत्।सर्वारम्भा हि दोषेण धूमेनाग्निरिवावृताः॥
sahajaṁ karma kaunteya sadoṣamapi na tyajet |sarvārambhā hi doṣeṇa dhūmenāgnirivāvṛtāḥ ||
Congenital duty, O son of Kunti, though defective, ought not to be abandoned. All undertakings indeed are clouded by defects as fire by smoke.
१८.४९असक्तबुद्धिः सर्वत्र जितात्मा विगतस्पृहः।नैष्कर्म्यसिद्धिं परमां संन्यासेनाधिगच्छति॥
asaktabuddhiḥ sarvatra jitātmā vigataspṛhaḥ |naiṣkarmyasiddhiṁ paramāṁ saṁnyāsenādhigacchati ||
He whose Reason is everywhere unattached, the self-subdued, dead to desires, he goeth by renunciation to the supreme perfection of freedom from obligation.
१८.५०सिद्धिं प्राप्तो यथा ब्रह्म तथाप्नोति निबोध मे।समासेनैव कौन्तेय निष्ठा ज्ञानस्य या परा॥
siddhiṁ prāpto yathā brahma tathāpnoti nibodha me |samāsenaiva kaunteya niṣṭhā jñānasya yā parā ||
How he who hath attained perfection obtaineth the Eternal, that highest state of wisdom, learn thou from Me only succinctly, O Kaunteya.
१८.५१बुद्ध्या विशुद्धया युक्तो धृत्याऽऽत्मानं नियम्य च।शब्दादीन् विषयांस्त्यक्त्वा रागद्वेषौ व्युदस्य च॥
buddhyā viśuddhayā yukto dhṛtyā''tmānaṁ niyamya ca |śabdādīn viṣayāṁstyaktvā rāgadveṣau vyudasya ca ||
United to this Reason, purified, controlling the self by firmness, having abandoned sound and the other objects of the senses, having laid aside passion and malice,
१८.५२विविक्तसेवी लघ्वाशी यतवाक्कायमानसः।ध्यानयोगपरो नित्यं वैराग्यं समुपाश्रितः॥
viviktasevī laghvāśī yatavākkāyamānasaḥ |dhyānayogaparo nityaṁ vairāgyaṁ samupāśritaḥ ||
Dwelling in solitude, abstemious, speech, body and mind subdued, constantly fixed in meditation and yoga, taking refuge in dispassion,
१८.५३अहङ्कारं बलं दर्पं कामं क्रोधं परिग्रहम्।विमुच्य निर्ममः शान्तो ब्रह्मभूयाय कल्पते॥
ahaṅkāraṁ balaṁ darpaṁ kāmaṁ krodhaṁ parigraham |vimucya nirmamaḥ śānto brahmabhūyāya kalpate ||
Having cast aside egoism, violence, arrogance, desire, wrath, covetousness, selfless and peaceful—he is fit to become the Eternal.
१८.५४ब्रह्मभूतः प्रसन्नात्मा न शोचति न काङ्क्षति।समः सर्वेषु भूतेषु मद्भक्तिं लभते पराम्॥
brahmabhūtaḥ prasannātmā na śocati na kāṅkṣati |samaḥ sarveṣu bhūteṣu madbhaktiṁ labhate parām ||
Becoming the Eternal, serene in the Self, he neither grieveth nor desireth; the same to all beings, he obtaineth supreme devotion unto Me.
१८.५५भक्त्या मामभिजानाति यावान्यश्चास्मि तत्त्वतः।ततो मां तत्त्वतो ज्ञात्वा विशते तदनन्तरम्॥
bhaktyā māmabhijānāti yāvānyaścāsmi tattvataḥ |tato māṁ tattvato jñātvā viśate tadanantaram ||
By devotion he knoweth Me in essence, who and what I am; having thus known Me in essence he forthwith entereth into the Supreme.
१८.५६सर्वकर्माण्यपि सदा कुर्वाणो मद्व्यपाश्रयः।मत्प्रसादादवाप्नोति शाश्वतं पदमव्ययम्॥
sarvakarmāṇyapi sadā kurvāṇo madvyapāśrayaḥ |matprasādādavāpnoti śāśvataṁ padamavyayam ||
Though ever performing all actions, taking refuge in Me, by My grace he obtaineth the eternal indestructible abode.
१८.५७चेतसा सर्वकर्माणि मयि संन्यस्य मत्परः।बुद्धियोगमुपाश्रित्य मच्चित्तः सततं भव॥
cetasā sarvakarmāṇi mayi saṁnyasya matparaḥ |buddhiyogamupāśritya maccittaḥ satataṁ bhava ||
Renouncing mentally all works in Me, intent on Me, resorting to the yoga of discrimination, have thy thought ever on Me.
१८.५८मच्चित्तः सर्वदुर्गाणि मत्प्रसादात्तरिष्यसि।अथ चेत्त्वमहङ्कारान्न श्रोष्यसि विनङ्क्ष्यसि॥
maccittaḥ sarvadurgāṇi matprasādāttariṣyasi |atha cettvamahaṅkārānna śroṣyasi vinaṅkṣyasi ||
Thinking on Me, thou shalt overcome all obstacles by My grace: but if from egoism thou wilt not listen, thou shalt be destroyed utterly.
१८.५९यदहङ्कारमाश्रित्य न योत्स्य इति मन्यसे।मिथ्यैष व्यवसायस्ते प्रकृतिस्त्वां नियोक्ष्यति॥
yadahaṅkāramāśritya na yotsya iti manyase |mithyaiṣa vyavasāyaste prakṛtistvāṁ niyokṣyati ||
Entrenched in egoism, thou thinkest, "I will not fight;" to no purpose thy determination; nature will constrain thee.
१८.६०स्वभावजेन कौन्तेय निबद्धः स्वेन कर्मणा।कर्तुं नेच्छसि यन्मोहात्करिष्यस्यवशोऽपि तत्॥
svabhāvajena kaunteya nibaddhaḥ svena karmaṇā |kartuṁ necchasi yanmohātkariṣyasyavaśo'pi tat ||
O son of Kuntî, bound by thine own duty born of thine own nature, that which from delusion thou desirest not to do, even that helplessly thou shalt perform.
१८.६१ईश्वरः सर्वभूतानां हृद्देशेऽर्जुन तिष्ठति।भ्रामयन्सर्वभूतानि यन्त्रारूढानि मायया॥
īśvaraḥ sarvabhūtānāṁ hṛddeśe'rjuna tiṣṭhati |bhrāmayansarvabhūtāni yantrārūḍhāni māyayā ||
The Lord dwelleth in the hearts of all beings, O Arjuna, by His illusive Power causing all beings to revolve, as though mounted on a potter's wheel.
१८.६२तमेव शरणं गच्छ सर्वभावेन भारत।तत्प्रसादात्परां शान्तिं स्थानं प्राप्स्यसि शाश्वतम्॥
tameva śaraṇaṁ gaccha sarvabhāvena bhārata |tatprasādātparāṁ śāntiṁ sthānaṁ prāpsyasi śāśvatam ||
Flee unto Him for shelter with all thy being, O Bhârata; by His grace thou shalt obtain supreme peace, the everlasting dwelling-place.
१८.६३इति ते ज्ञानमाख्यातं गुह्याद्गुह्यतरं मया।विमृश्यैतदशेषेण यथेच्छसि तथा कुरु॥
iti te jñānamākhyātaṁ guhyādguhyataraṁ mayā |vimṛśyaitadaśeṣeṇa yathecchasi tathā kuru ||
Thus hath wisdom, more secret than secrecy itself, been declared unto thee by Me; having reflected on it fully, then act thou as thou listest.
१८.६४सर्वगुह्यतमं भूयः शृणु मे परमं वचः।इष्टोऽसि मे दृढमिति ततो वक्ष्यामि ते हितम्॥
sarvaguhyatamaṁ bhūyaḥ śṛṇu me paramaṁ vacaḥ |iṣṭo'si me dṛḍhamiti tato vakṣyāmi te hitam ||
Listen thou again to My supreme word, most secret of all; beloved art thou of Me, and steadfast of heart, therefore will I speak for thy benefit.
१८.६५मन्मना भव मद्भक्तो मद्याजी मां नमस्कुरु।मामेवैष्यसि सत्यं ते प्रतिजाने प्रियोऽसि मे॥
manmanā bhava madbhakto madyājī māṁ namaskuru |māmevaiṣyasi satyaṁ te pratijāne priyo'si me ||
Merge thy mind in Me, be my devotee, sacrifice to Me, prostrate thyself before Me, thou shalt come even to Me. I pledge thee My troth; thou art dear to Me.
१८.६६सर्वधर्मान्परित्यज्य मामेकं शरणं व्रज।अहं त्वा सर्वपापेभ्यो मोक्षयिष्यामि मा शुचः॥
sarvadharmānparityajya māmekaṁ śaraṇaṁ vraja |ahaṁ tvā sarvapāpebhyo mokṣayiṣyāmi mā śucaḥ ||
Abandoning all duties come unto Me alone for shelter; sorrow not, I will liberate thee from all sins.
१८.६७इदं ते नातपस्काय नाभक्ताय कदाचन।न चाशुश्रूषवे वाच्यं न च मां योऽभ्यसूयति॥
idaṁ te nātapaskāya nābhaktāya kadācana |na cāśuśrūṣave vācyaṁ na ca māṁ yo'bhyasūyati ||
Never is this to be spoken by thee to anyone who is without asceticism, nor without devotion, nor to one who desireth not to listen, nor yet to him who speaketh evil of Me.
१८.६८य इमं परमं गुह्यं मद्भक्तेष्वभिधास्यति।भक्तिं मयि परां कृत्वा मामेवैष्यत्यसंशयः॥
ya imaṁ paramaṁ guhyaṁ madbhakteṣvabhidhāsyati |bhaktiṁ mayi parāṁ kṛtvā māmevaiṣyatyasaṁśayaḥ ||
He who shall declare this supreme secret among My devotees, having shown the highest devotion for Me, without doubt he shall come to Me.
१८.६९न च तस्मान्मनुष्येषु कश्चिन्मे प्रियकृत्तमः।भविता न च मे तस्मादन्यः प्रियतरो भुवि॥
na ca tasmānmanuṣyeṣu kaścinme priyakṛttamaḥ |bhavitā na ca me tasmādanyaḥ priyataro bhuvi ||
Nor is there any among men who performeth dearer service to Me than he, nor any other shall be more beloved by Me on earth than he.
१८.७०अध्येष्यते च य इमं धर्म्यं संवादमावयोः।ज्ञानयज्ञेन तेनाहमिष्टः स्यामिति मे मतिः॥
adhyeṣyate ca ya imaṁ dharmyaṁ saṁvādamāvayoḥ |jñānayajñena tenāhamiṣṭaḥ syāmiti me matiḥ ||
And he who shall study this sacred dialogue of ours, by him I shall be worshipped with the sacrifice of wisdom. Such is My mind.
१८.७१श्रद्धावाननसूयश्च शृणुयादपि यो नरः।सोऽपि मुक्तः शुभाँल्लोकान्प्राप्नुयात्पुण्यकर्मणाम्॥
śraddhāvānanasūyaśca śṛṇuyādapi yo naraḥ |so'pi muktaḥ śubhām̐llokānprāpnuyātpuṇyakarmaṇām ||
The man also who, full of faith, merely heareth it unreviling, even he, freed from evil, obtaineth the radiant worlds of the righteous.
१८.७२कच्चिदेतच्छ्रुतं पार्थ त्वयैकाग्रेण चेतसा।कच्चिदज्ञानसंमोहः प्रणष्टस्ते धनञ्जय॥
kaccidetacchrutaṁ pārtha tvayaikāgreṇa cetasā |kaccidajñānasaṁmohaḥ praṇaṣṭaste dhanañjaya ||
Hath this been heard, O son of Prithâ, with one-pointed mind? Has thy delusion, caused by unwisdom, been destroyed, O Dhananjaya?
१८.७३अर्जुन उवाच arjuna uvācaनष्टो मोहः स्मृतिर्लब्धा त्वत्प्रसादान्मयाच्युत।स्थितोऽस्मि गतसन्देहः करिष्ये वचनं तव॥
naṣṭo mohaḥ smṛtirlabdhā tvatprasādānmayācyuta |sthito'smi gatasandehaḥ kariṣye vacanaṁ tava ||
Arjuna said: Destroyed is my delusion. I have gained knowledge through Thy grace, O Immutable one. I am firm, my doubts have fled away. I will do according to Thy word.
१८.७४सञ्जय उवाच sañjaya uvācaइत्यहं वासुदेवस्य पार्थस्य च महात्मनः।संवादमिममश्रौषमद्भुतं रोमहर्षणम्॥
ityahaṁ vāsudevasya pārthasya ca mahātmanaḥ |saṁvādamimamaśrauṣamadbhutaṁ romaharṣaṇam ||
Sanjaya said: I heard this marvellous dialogue of Vâsudeva, and of the great-souled Partha, causing my hair to stand on end.
१८.७५व्यासप्रसादाच्छ्रुतवानेतद्गुह्यमहं परम्।योगं योगेश्वरात्कृष्णात्साक्षात्कथयतः स्वयम्॥
vyāsaprasādācchrutavānetadguhyamahaṁ param |yogaṁ yogeśvarātkṛṣṇātsākṣātkathayataḥ svayam ||
By the favour of Vyâsa I listened to this secret and supreme yoga from the Lord of Yoga, Krishna Himself, speaking before mine eyes.
१८.७६राजन्संस्मृत्य संस्मृत्य संवादमिममद्भुतम्।केशवार्जुनयोः पुण्यं हृष्यामि च मुहुर्मुहुः॥
rājansaṁsmṛtya saṁsmṛtya saṁvādamimamadbhutam |keśavārjunayoḥ puṇyaṁ hṛṣyāmi ca muhurmuhuḥ ||
O King, remembering, remembering this marvellous and holy dialogue between Keshava and Arjuna, I rejoice again and again.
१८.७७तच्च संस्मृत्य संस्मृत्य रूपमत्यद्भुतं हरेः।विस्मयो मे महान् राजन् हृष्यामि च पुनः पुनः॥
tacca saṁsmṛtya saṁsmṛtya rūpamatyadbhutaṁ hareḥ |vismayo me mahān rājan hṛṣyāmi ca punaḥ punaḥ ||
Remembering, remembering, also that most marvellous form of Hari, great is my wonder, O King. I rejoice, again and again.
१८.७८यत्र योगेश्वरः कृष्णो यत्र पार्थो धनुर्धरः।तत्र श्रीर्विजयो भूतिर्ध्रुवा नीतिर्मतिर्मम॥
yatra yogeśvaraḥ kṛṣṇo yatra pārtho dhanurdharaḥ |tatra śrīrvijayo bhūtirdhruvā nītirmatirmama ||
Wherever is Krishna, Yoga's Lord, wherever is Pârtha, the archer, assured are there prosperity, victory and happiness. So I think.
Sanskrit: traditional text (public domain), from the github.com/gita/gita dataset, checked by SahiVidhi verse by verse against the Devanagari of Besant's 1905 edition — encoding errors and dropped endings corrected; remaining differences are recognised variant readings. Roman transliteration generated by SahiVidhi. English: Annie Besant, The Bhagavad-Gita, 4th edition (1905) — public domain; transcription from Wikisource.
