२.१सञ्जय उवाच sañjaya uvācaतं तथा कृपयाऽविष्टमश्रुपूर्णाकुलेक्षणम्।विषीदन्तमिदं वाक्यमुवाच मधुसूदनः॥
taṁ tathā kṛpayā'viṣṭamaśrupūrṇākulekṣaṇam |viṣīdantamidaṁ vākyamuvāca madhusūdanaḥ ||
Sanjaya said: To him thus with pity overcome, with smarting brimming eyes, despondent, Madhusûdana spake these words:
२.२श्रीभगवानुवाच śrībhagavānuvācaकुतस्त्वा कश्मलमिदं विषमे समुपस्थितम्।अनार्यजुष्टमस्वर्ग्यमकीर्तिकरमर्जुन॥
kutastvā kaśmalamidaṁ viṣame samupasthitam |anāryajuṣṭamasvargyamakīrtikaramarjuna ||
The Blessed Lord said: Whence hath this dejection befallen thee in this perilous strait, ignoble, heaven-closing, infamous, O Arjuna?
२.३क्लैब्यं मा स्म गमः पार्थ नैतत्त्वय्युपपद्यते।क्षुद्रं हृदयदौर्बल्यं त्यक्त्वोत्तिष्ठ परन्तप॥
klaibyaṁ mā sma gamaḥ pārtha naitattvayyupapadyate |kṣudraṁ hṛdayadaurbalyaṁ tyaktvottiṣṭha parantapa ||
Yield not to impotence, O Partha! it doth not befit thee. Shake off this paltry faint-heartedness! Stand up, Parantapa!
२.४अर्जुन उवाच arjuna uvācaकथं भीष्ममहं संख्ये द्रोणं च मधुसूदन।इषुभिः प्रतियोत्स्यामि पूजार्हावरिसूदन॥
kathaṁ bhīṣmamahaṁ saṁkhye droṇaṁ ca madhusūdana |iṣubhiḥ pratiyotsyāmi pūjārhāvarisūdana ||
Arjuna said: How, O Madhusûdana, shall I attack Bhîshma and Drona with arrows in battle, they who are worthy of reverence, O slayer of foes?
२.५गुरूनहत्वा हि महानुभावान् श्रेयो भोक्तुं भैक्ष्यमपीह लोके।हत्वार्थकामांस्तु गुरूनिहैव भुञ्जीय भोगान् रुधिरप्रदिग्धान्॥
gurūnahatvā hi mahānubhāvān śreyo bhoktuṁ bhaikṣyamapīha loke |hatvārthakāmāṁstu gurūnihaiva bhuñjīya bhogān rudhirapradigdhān ||
Better in this world to eat even the beggar's crust than to slay these most noble Gurus. Slaying these Gurus, our well-wishers, I should taste of blood-besprinkled feasts.
२.६न चैतद्विद्मः कतरन्नो गरीयो यद्वा जयेम यदि वा नो जयेयुः।यानेव हत्वा न जिजीविषामस्तेऽवस्थिताः प्रमुखे धार्तराष्ट्राः॥
na caitadvidmaḥ kataranno garīyo yadvā jayema yadi vā no jayeyuḥ |yāneva hatvā na jijīviṣāmaste'vasthitāḥ pramukhe dhārtarāṣṭrāḥ ||
Nor know I which for us be the better, that we conquer them or they conquer us—these, whom having slain we should not care to live, even these arrayed against us, the sons of Dhritarâshtra.
२.७कार्पण्यदोषोपहतस्वभावः पृच्छामि त्वां धर्मसंमूढचेताः।यच्छ्रेयः स्यान्निश्चितं ब्रूहि तन्मे शिष्यस्तेऽहं शाधि मां त्वां प्रपन्नम्॥
kārpaṇyadoṣopahatasvabhāvaḥ pṛcchāmi tvāṁ dharmasaṁmūḍhacetāḥ |yacchreyaḥ syānniścitaṁ brūhi tanme śiṣyaste'haṁ śādhi māṁ tvāṁ prapannam ||
My heart is weighed down with the vice of faintness; my mind is confused as to duty. I ask thee which may be the better—that tell me decisively. I am thy disciple, suppliant to Thee; teach me.
२.८न हि प्रपश्यामि ममापनुद्या द्यच्छोकमुच्छोषणमिन्द्रियाणाम्।अवाप्य भूमावसपत्नमृद्धम् राज्यं सुराणामपि चाधिपत्यम्॥
na hi prapaśyāmi mamāpanudyā dyacchokamucchoṣaṇamindriyāṇām |avāpya bhūmāvasapatnamṛddham rājyaṁ surāṇāmapi cādhipatyam ||
For I see not that it would drive away this anguish that withers up my senses, if I should attain unrivalled monarchy on earth, or even the sovereignty of the Shining Ones.
२.९सञ्जय उवाच sañjaya uvācaएवमुक्त्वा हृषीकेशं गुडाकेशः परन्तपः।न योत्स्य इति गोविन्दमुक्त्वा तूष्णीं बभूव ह॥
evamuktvā hṛṣīkeśaṁ guḍākeśaḥ parantapaḥ |na yotsya iti govindamuktvā tūṣṇīṁ babhūva ha ||
Sanjaya said: Gudâkesha, conqueror of his foes, having thus addressed Hrishîkesha and said to Govinda, "I will not fight!", became silent.
२.१०तमुवाच हृषीकेशः प्रहसन्निव भारत।सेनयोरुभयोर्मध्ये विषीदन्तमिदं वचः॥
tamuvāca hṛṣīkeśaḥ prahasanniva bhārata |senayorubhayormadhye viṣīdantamidaṁ vacaḥ ||
Then Hrishîkesha, smiling, as it were, O Bhârata, spake these words to him, despondent, in the midst of the two armies:
२.११श्रीभगवानुवाच śrībhagavānuvācaअशोच्यानन्वशोचस्त्वं प्रज्ञावादांश्च भाषसे।गतासूनगतासूंश्च नानुशोचन्ति पण्डिताः॥
aśocyānanvaśocastvaṁ prajñāvādāṁśca bhāṣase |gatāsūnagatāsūṁśca nānuśocanti paṇḍitāḥ ||
The Blessed Lord said: Thou grievest for those that should not be griev ed for, yet speakest words of wisdom. The wise grieve neither for the living nor for the dead.
२.१२न त्वेवाहं जातु नासं न त्वं नेमे जनाधिपाः।न चैव न भविष्यामः सर्वे वयमतः परम्॥
na tvevāhaṁ jātu nāsaṁ na tvaṁ neme janādhipāḥ |na caiva na bhaviṣyāmaḥ sarve vayamataḥ param ||
Nor at any time verily was I not, nor thou, nor these princes of men, nor verily shall we ever cease to be, hereafter.
२.१३देहिनोऽस्मिन्यथा देहे कौमारं यौवनं जरा।तथा देहान्तरप्राप्तिर्धीरस्तत्र न मुह्यति॥
dehino'sminyathā dehe kaumāraṁ yauvanaṁ jarā |tathā dehāntaraprāptirdhīrastatra na muhyati ||
As the dweller in the body experienceth in the body childhood, youth, old age, so passeth he on to another body; the steadfast one grieveth not thereat.
२.१४मात्रास्पर्शास्तु कौन्तेय शीतोष्णसुखदुःखदाः।आगमापायिनोऽनित्यास्तांस्तितिक्षस्व भारत॥
mātrāsparśāstu kaunteya śītoṣṇasukhaduḥkhadāḥ |āgamāpāyino'nityāstāṁstitikṣasva bhārata ||
The contacts of matter, O son of Kuntî, giving cold and heat, pleasure and pain, they come and go, impermanent; endure them bravely, O Bhârata.
२.१५यं हि न व्यथयन्त्येते पुरुषं पुरुषर्षभ।समदुःखसुखं धीरं सोऽमृतत्वाय कल्पते॥
yaṁ hi na vyathayantyete puruṣaṁ puruṣarṣabha |samaduḥkhasukhaṁ dhīraṁ so'mṛtatvāya kalpate ||
The man whom these torment not, O chief of men, balanced in pain and pleasure, steadfast, he is fitted for immortality.
२.१६नासतो विद्यते भावो नाभावो विद्यते सतः।उभयोरपि दृष्टोऽन्तस्त्वनयोस्तत्त्वदर्शिभिः॥
nāsato vidyate bhāvo nābhāvo vidyate sataḥ |ubhayorapi dṛṣṭo'ntastvanayostattvadarśibhiḥ ||
The unreal hath no being; the real never ceaseth to be; the truth about both hath been perceived by the seers of the essence of things.
२.१७अविनाशि तु तद्विद्धि येन सर्वमिदं ततम्।विनाशमव्ययस्यास्य न कश्चित् कर्तुमर्हति॥
avināśi tu tadviddhi yena sarvamidaṁ tatam |vināśamavyayasyāsya na kaścit kartumarhati ||
Know That to be indestructible by whom all this is pervaded. Nor can any work the destruction of that imperishable One.
२.१८अन्तवन्त इमे देहा नित्यस्योक्ताः शरीरिणः।अनाशिनोऽप्रमेयस्य तस्माद्युध्यस्व भारत॥
antavanta ime dehā nityasyoktāḥ śarīriṇaḥ |anāśino'prameyasya tasmādyudhyasva bhārata ||
These bodies of the embodied One, who is eternal, indestructible and immeasurable, are known as finite. Therefore fight, O Bhârata.
२.१९य एनं वेत्ति हन्तारं यश्चैनं मन्यते हतम्।उभौ तौ न विजानीतो नायं हन्ति न हन्यते॥
ya enaṁ vetti hantāraṁ yaścainaṁ manyate hatam |ubhau tau na vijānīto nāyaṁ hanti na hanyate ||
He who regardeth this as a slayer, and he who thinketh he is slain, both of them are ignorant. He slayeth not, nor is he slain.
२.२०न जायते म्रियते वा कदाचि न्नायं भूत्वा भविता वा न भूयः।अजो नित्यः शाश्वतोऽयं पुराणो न हन्यते हन्यमाने शरीरे॥
na jāyate mriyate vā kadāci nnāyaṁ bhūtvā bhavitā vā na bhūyaḥ |ajo nityaḥ śāśvato'yaṁ purāṇo na hanyate hanyamāne śarīre ||
He is not born, nor doth he die; nor having been, ceaseth he any more to be; unborn, perpetual, eternal and ancient, he is not slain when the body is slaughtered.
२.२१वेदाविनाशिनं नित्यं य एनमजमव्ययम्।कथं स पुरुषः पार्थ कं घातयति हन्ति कम्॥
vedāvināśinaṁ nityaṁ ya enamajamavyayam |kathaṁ sa puruṣaḥ pārtha kaṁ ghātayati hanti kam ||
Who knoweth him indestructible, perpetual, unborn, undiminishing, how can that man slay, O Pârtha, or cause to be slain?
२.२२वासांसि जीर्णानि यथा विहाय नवानि गृह्णाति नरोऽपराणि।तथा शरीराणि विहाय जीर्णा न्यन्यानि संयाति नवानि देही॥
vāsāṁsi jīrṇāni yathā vihāya navāni gṛhṇāti naro'parāṇi |tathā śarīrāṇi vihāya jīrṇā nyanyāni saṁyāti navāni dehī ||
As a man, casting off worn-out garments, taketh new ones, so the dweller in the body, casting off worn-out bodies, entereth into others that are new.
२.२३नैनं छिन्दन्ति शस्त्राणि नैनं दहति पावकः।न चैनं क्लेदयन्त्यापो न शोषयति मारुतः॥
nainaṁ chindanti śastrāṇi nainaṁ dahati pāvakaḥ |na cainaṁ kledayantyāpo na śoṣayati mārutaḥ ||
Weapons cleave him not, nor fire burneth him, nor waters wet him, nor wind drieth him away.
२.२४अच्छेद्योऽयमदाह्योऽयमक्लेद्योऽशोष्य एव च।नित्यः सर्वगतः स्थाणुरचलोऽयं सनातनः॥
acchedyo'yamadāhyo'yamakledyo'śoṣya eva ca |nityaḥ sarvagataḥ sthāṇuracalo'yaṁ sanātanaḥ ||
Uncleavable he, incombustible he, and indeed neither to be wetted nor dried away; perpetual, all-pervasive, stable, immovable, ancient.
२.२५अव्यक्तोऽयमचिन्त्योऽयमविकार्योऽयमुच्यते।तस्मादेवं विदित्वैनं नानुशोचितुमर्हसि॥
avyakto'yamacintyo'yamavikāryo'yamucyate |tasmādevaṁ viditvainaṁ nānuśocitumarhasi ||
Unmanifest, unthinkable, immutable, he is called; therefore knowing him as such, thou shouldst not grieve.
२.२६अथ चैनं नित्यजातं नित्यं वा मन्यसे मृतम्।तथापि त्वं महाबाहो नैवं शोचितुमर्हसि॥
atha cainaṁ nityajātaṁ nityaṁ vā manyase mṛtam |tathāpi tvaṁ mahābāho naivaṁ śocitumarhasi ||
Or if thou thinkest of him as being constantly born and constantly dying, even then, O mighty-armed, thou shouldst not grieve.
२.२७जातस्य हि ध्रुवो मृत्युर्ध्रुवं जन्म मृतस्य च।तस्मादपरिहार्येऽर्थे न त्वं शोचितुमर्हसि॥
jātasya hi dhruvo mṛtyurdhruvaṁ janma mṛtasya ca |tasmādaparihārye'rthe na tvaṁ śocitumarhasi ||
For certain is death for the born, and certain is birth for the dead; therefore over the inevitable thou shouldst not grieve.
२.२८अव्यक्तादीनि भूतानि व्यक्तमध्यानि भारत।अव्यक्तनिधनान्येव तत्र का परिदेवना॥
avyaktādīni bhūtāni vyaktamadhyāni bhārata |avyaktanidhanānyeva tatra kā paridevanā ||
Beings are unmanifest in their origin, manifest in their midmost state, O Bhârata, unmanifest likewise are they in dissolution. What room then for lamentation?
२.२९आश्चर्यवत्पश्यति कश्चिदेन माश्चर्यवद्वदति तथैव चान्यः।आश्चर्यवच्चैनमन्यः शृणोति श्रुत्वाप्येनं वेद न चैव कश्चित्॥
āścaryavatpaśyati kaścidena māścaryavadvadati tathaiva cānyaḥ |āścaryavaccainamanyaḥ śṛṇoti śrutvāpyenaṁ veda na caiva kaścit ||
As marvellous one regardeth him; as marvellous another speaketh thereof; as marvellous another heareth thereof; yet having heard none indeed understandeth.
२.३०देही नित्यमवध्योऽयं देहे सर्वस्य भारत।तस्मात्सर्वाणि भूतानि न त्वं शोचितुमर्हसि॥
dehī nityamavadhyo'yaṁ dehe sarvasya bhārata |tasmātsarvāṇi bhūtāni na tvaṁ śocitumarhasi ||
This dweller in the body of everyone is ever invulnerable, O Bhârata; therefore thou shouldst not grieve for any creature.
२.३१स्वधर्ममपि चावेक्ष्य न विकम्पितुमर्हसि।धर्म्याद्धि युद्धाच्छ्रेयोऽन्यत्क्षत्रियस्य न विद्यते॥
svadharmamapi cāvekṣya na vikampitumarhasi |dharmyāddhi yuddhācchreyo'nyatkṣatriyasya na vidyate ||
Further, looking to thine own duty thou shouldst not tremble; for there is nothing more welcome to a Kshattriya than righteous war.
२.३२यदृच्छया चोपपन्नं स्वर्गद्वारमपावृतम्।सुखिनः क्षत्रियाः पार्थ लभन्ते युद्धमीदृशम्॥
yadṛcchayā copapannaṁ svargadvāramapāvṛtam |sukhinaḥ kṣatriyāḥ pārtha labhante yuddhamīdṛśam ||
Happy the Kshattriyas, O Pârtha, who obtain such a fight, offered unsought as an open door to heaven.
२.३३अथ चेत्त्वमिमं धर्म्यं संग्रामं न करिष्यसि।ततः स्वधर्मं कीर्तिं च हित्वा पापमवाप्स्यसि॥
atha cettvamimaṁ dharmyaṁ saṁgrāmaṁ na kariṣyasi |tataḥ svadharmaṁ kīrtiṁ ca hitvā pāpamavāpsyasi ||
But if thou wilt not carry on this righteous warfare, then casting away thine own duty and thine honour, thou wilt incur sin.
२.३४अकीर्तिं चापि भूतानि कथयिष्यन्ति तेऽव्ययाम्।संभावितस्य चाकीर्तिर्मरणादतिरिच्यते॥
akīrtiṁ cāpi bhūtāni kathayiṣyanti te'vyayām |saṁbhāvitasya cākīrtirmaraṇādatiricyate ||
Men will recount thy perpetual dishonour, and, to one highly esteemed, dishonour exceedeth death.
२.३५भयाद्रणादुपरतं मंस्यन्ते त्वां महारथाः।येषां च त्वं बहुमतो भूत्वा यास्यसि लाघवम्॥
bhayādraṇāduparataṁ maṁsyante tvāṁ mahārathāḥ |yeṣāṁ ca tvaṁ bahumato bhūtvā yāsyasi lāghavam ||
The great car-warriors will think thee fled from the battle from fear, and thou, that wast highly thought of by them, wilt be lightly held.
२.३६अवाच्यवादांश्च बहून् वदिष्यन्ति तवाहिताः।निन्दन्तस्तव सामर्थ्यं ततो दुःखतरं नु किम्॥
avācyavādāṁśca bahūn vadiṣyanti tavāhitāḥ |nindantastava sāmarthyaṁ tato duḥkhataraṁ nu kim ||
Many unseemly words will be spoken by thine enemies, slandering thy strength; what more painful than that?
२.३७हतो वा प्राप्स्यसि स्वर्गं जित्वा वा भोक्ष्यसे महीम्।तस्मादुत्तिष्ठ कौन्तेय युद्धाय कृतनिश्चयः॥
hato vā prāpsyasi svargaṁ jitvā vā bhokṣyase mahīm |tasmāduttiṣṭha kaunteya yuddhāya kṛtaniścayaḥ ||
Slain, thou wilt obtain heaven; victorious, thou wilt enjoy the earth; therefore stand up, O son of Kuntî, resolute to fight.
२.३८सुखदुःखे समे कृत्वा लाभालाभौ जयाजयौ।ततो युद्धाय युज्यस्व नैवं पापमवाप्स्यसि॥
sukhaduḥkhe same kṛtvā lābhālābhau jayājayau |tato yuddhāya yujyasva naivaṁ pāpamavāpsyasi ||
Taking as equal pleasure and pain, gain and loss, victory and defeat, gird thee for the battle; thus thou shalt not incur sin.
२.३९एषा तेऽभिहिता सांख्ये बुद्धिर्योगे त्विमां शृणु।बुद्ध्यायुक्तो यया पार्थ कर्मबन्धं प्रहास्यसि॥
eṣā te'bhihitā sāṁkhye buddhiryoge tvimāṁ śṛṇu |buddhyāyukto yayā pārtha karmabandhaṁ prahāsyasi ||
This teaching set forth to thee is in accordance with the Sâñkhya; hear it now according to the Yoga, imbued with which teaching, O Pârtha, thou shalt cast away the bonds of action.
२.४०नेहाभिक्रमनाशोऽस्ति प्रत्यवायो न विद्यते।स्वल्पमप्यस्य धर्मस्य त्रायते महतो भयात्॥
nehābhikramanāśo'sti pratyavāyo na vidyate |svalpamapyasya dharmasya trāyate mahato bhayāt ||
In this there is no loss of effort, nor is there transgression. Even a little of this knowledge protects from great fear.
२.४१व्यवसायात्मिका बुद्धिरेकेह कुरुनन्दन।बहुशाखा ह्यनन्ताश्च बुद्धयोऽव्यवसायिनाम्॥
vyavasāyātmikā buddhirekeha kurunandana |bahuśākhā hyanantāśca buddhayo'vyavasāyinām ||
The determinate Reason is but one-pointed, O joy of the Kurus; many-branched and endless are the thoughts of the irresolute.
२.४२यामिमां पुष्पितां वाचं प्रवदन्त्यविपश्चितः।वेदवादरताः पार्थ नान्यदस्तीति वादिनः॥
yāmimāṁ puṣpitāṁ vācaṁ pravadantyavipaścitaḥ |vedavādaratāḥ pārtha nānyadastīti vādinaḥ ||
Flowery speech is uttered by the foolish, rejoicing in the letter of the Vedas, O Pârtha, saying: "There is naught but this";
२.४३कामात्मानः स्वर्गपरा जन्मकर्मफलप्रदाम्।क्रियाविशेषबहुलां भोगैश्वर्यगतिं प्रति॥
kāmātmānaḥ svargaparā janmakarmaphalapradām |kriyāviśeṣabahulāṁ bhogaiśvaryagatiṁ prati ||
With desire for self, with heaven for goal, they offer birth as the fruit of action, and prescribe many and various ceremonies for the attainment of pleasure and lordship.
२.४४भोगैश्वर्यप्रसक्तानां तयापहृतचेतसाम्।व्यवसायात्मिका बुद्धिः समाधौ न विधीयते॥
bhogaiśvaryaprasaktānāṁ tayāpahṛtacetasām |vyavasāyātmikā buddhiḥ samādhau na vidhīyate ||
For them who cling to pleasure and lordship, whose minds are captivated by such teaching, is not designed this determinate Reason, on contemplation steadily bent.
२.४५त्रैगुण्यविषया वेदा निस्त्रैगुण्यो भवार्जुन।निर्द्वन्द्वो नित्यसत्त्वस्थो निर्योगक्षेम आत्मवान्॥
traiguṇyaviṣayā vedā nistraiguṇyo bhavārjuna |nirdvandvo nityasattvastho niryogakṣema ātmavān ||
The Vedas deal with the three attributes; be thou above these three attributes, O Arjuna; beyond the pairs of opposites, ever steadfast in purity, careless of possessions, full of the Self.
२.४६यावानर्थ उदपाने सर्वतः संप्लुतोदके।तावान्सर्वेषु वेदेषु ब्राह्मणस्य विजानतः॥
yāvānartha udapāne sarvataḥ saṁplutodake |tāvānsarveṣu vedeṣu brāhmaṇasya vijānataḥ ||
All the Vedas are as useful to an enlightened Brâhmana as is a tank in a place covered all over with water.
२.४७कर्मण्येवाधिकारस्ते मा फलेषु कदाचन।मा कर्मफलहेतुर्भूर्मा ते सङ्गोऽस्त्वकर्मणि॥
karmaṇyevādhikāraste mā phaleṣu kadācana |mā karmaphalaheturbhūrmā te saṅgo'stvakarmaṇi ||
Thy business is with the action only, never with its fruits; so let not the fruit of action be thy motive, nor be thou to inaction attached.
२.४८योगस्थः कुरु कर्माणि सङ्गं त्यक्त्वा धनञ्जय।सिद्ध्यसिद्ध्योः समो भूत्वा समत्वं योग उच्यते॥
yogasthaḥ kuru karmāṇi saṅgaṁ tyaktvā dhanañjaya |siddhyasiddhyoḥ samo bhūtvā samatvaṁ yoga ucyate ||
Perform action, O Dhananjaya, dwelling in union with the divine, renouncing attachments and balanced evenly in success and failure: equilibrium is called yoga.
२.४९दूरेण ह्यवरं कर्म बुद्धियोगाद्धनञ्जय।बुद्धौ शरणमन्विच्छ कृपणाः फलहेतवः॥
dūreṇa hyavaraṁ karma buddhiyogāddhanañjaya |buddhau śaraṇamanviccha kṛpaṇāḥ phalahetavaḥ ||
Far lower than the Yoga of Discrimination is action, O Dhananjaya. Take thou refuge in the Pure Reason; pitiable are they who work for fruit.
२.५०बुद्धियुक्तो जहातीह उभे सुकृतदुष्कृते।तस्माद्योगाय युज्यस्व योगः कर्मसु कौशलम्॥
buddhiyukto jahātīha ubhe sukṛtaduṣkṛte |tasmādyogāya yujyasva yogaḥ karmasu kauśalam ||
United to the Pure Reason one abandoneth here both good and evil deeds; therefore cleave thou to yoga; yoga is skill in action.
२.५१कर्मजं बुद्धियुक्ता हि फलं त्यक्त्वा मनीषिणः।जन्मबन्धविनिर्मुक्ताः पदं गच्छन्त्यनामयम्॥
karmajaṁ buddhiyuktā hi phalaṁ tyaktvā manīṣiṇaḥ |janmabandhavinirmuktāḥ padaṁ gacchantyanāmayam ||
The Sages, united to the Pure Reason, renounce the fruit which action yieldeth, and, liberated from the bonds of birth, they go to the blissful seat.
२.५२यदा ते मोहकलिलं बुद्धिर्व्यतितरिष्यति।तदा गन्तासि निर्वेदं श्रोतव्यस्य श्रुतस्य च॥
yadā te mohakalilaṁ buddhirvyatitariṣyati |tadā gantāsi nirvedaṁ śrotavyasya śrutasya ca ||
When thy mind shall escape from this tangle of delusion, then thou shalt rise to indifference as to what has been heard and shall be heard.
२.५३श्रुतिविप्रतिपन्ना ते यदा स्थास्यति निश्चला।समाधावचला बुद्धिस्तदा योगमवाप्स्यसि॥
śrutivipratipannā te yadā sthāsyati niścalā |samādhāvacalā buddhistadā yogamavāpsyasi ||
When thy mind, bewildered by the Scriptures, shall stand immovable, fixed in contemplation, then shalt thou attain unto yoga.
२.५४अर्जुन उवाच arjuna uvācaस्थितप्रज्ञस्य का भाषा समाधिस्थस्य केशव।स्थितधीः किं प्रभाषेत किमासीत व्रजेत किम्॥
sthitaprajñasya kā bhāṣā samādhisthasya keśava |sthitadhīḥ kiṁ prabhāṣeta kimāsīta vrajeta kim ||
Arjuna said: What the mark, of him who is stable of mind, steadfast in contemplation, O Keshava? How doth the stable-minded talk, how doth he sit, how walk?
२.५५श्रीभगवानुवाच śrībhagavānuvācaप्रजहाति यदा कामान् सर्वान् पार्थ मनोगतान्।आत्मन्येवात्मना तुष्टः स्थितप्रज्ञस्तदोच्यते॥
prajahāti yadā kāmān sarvān pārtha manogatān |ātmanyevātmanā tuṣṭaḥ sthitaprajñastadocyate ||
The Blessed Lord said: When a man abandoneth, O Pârtha, all the desires of the heart, and is satisfied in the Self by the Self, then is he called stable in mind.
२.५६दुःखेष्वनुद्विग्नमनाः सुखेषु विगतस्पृहः।वीतरागभयक्रोधः स्थितधीर्मुनिरुच्यते॥
duḥkheṣvanudvignamanāḥ sukheṣu vigataspṛhaḥ |vītarāgabhayakrodhaḥ sthitadhīrmunirucyate ||
He whose mind is free from anxiety amid pains, indifferent amid pleasures, loosed from passion, fear and anger, is called a sage of stable mind.
२.५७यः सर्वत्रानभिस्नेहस्तत्तत्प्राप्य शुभाशुभम्।नाभिनन्दति न द्वेष्टि तस्य प्रज्ञा प्रतिष्ठिता॥
yaḥ sarvatrānabhisnehastattatprāpya śubhāśubham |nābhinandati na dveṣṭi tasya prajñā pratiṣṭhitā ||
He who on every side is without attachments, whatever hap of fair and foul, who neither likes nor dislikes, of such a one the understanding is well poised.
२.५८यदा संहरते चायं कूर्मोऽङ्गानीव सर्वशः।इन्द्रियाणीन्द्रियार्थेभ्यस्तस्य प्रज्ञा प्रतिष्ठिता॥
yadā saṁharate cāyaṁ kūrmo'ṅgānīva sarvaśaḥ |indriyāṇīndriyārthebhyastasya prajñā pratiṣṭhitā ||
When, again, as a tortoise draws in on all sides its limbs, he withdraws his senses from the objects of sense, then is his understanding well poised.
२.५९विषया विनिवर्तन्ते निराहारस्य देहिनः।रसवर्जं रसोऽप्यस्य परं दृष्ट्वा निवर्तते॥
viṣayā vinivartante nirāhārasya dehinaḥ |rasavarjaṁ raso'pyasya paraṁ dṛṣṭvā nivartate ||
The objects of sense, but not the relish for them, turn away from an abstemious dweller in the body; and even relish turneth away from him after the Supreme is seen.
२.६०यततो ह्यपि कौन्तेय पुरुषस्य विपश्चितः।इन्द्रियाणि प्रमाथीनि हरन्ति प्रसभं मनः॥
yatato hyapi kaunteya puruṣasya vipaścitaḥ |indriyāṇi pramāthīni haranti prasabhaṁ manaḥ ||
O son of Kuntî, the excited senses of even a wise man, though he be striving, impetuously carry away his mind.
२.६१तानि सर्वाणि संयम्य युक्त आसीत मत्परः।वशे हि यस्येन्द्रियाणि तस्य प्रज्ञा प्रतिष्ठिता॥
tāni sarvāṇi saṁyamya yukta āsīta matparaḥ |vaśe hi yasyendriyāṇi tasya prajñā pratiṣṭhitā ||
Having restrained them all, he should sit harmonised, I his supreme goal; for, whose senses are mastered, of him the understanding is well poised.
२.६२ध्यायतो विषयान्पुंसः सङ्गस्तेषूपजायते।सङ्गात् संजायते कामः कामात्क्रोधोऽभिजायते॥
dhyāyato viṣayānpuṁsaḥ saṅgasteṣūpajāyate |saṅgāt saṁjāyate kāmaḥ kāmātkrodho'bhijāyate ||
Man, musing on the objects of sense, conceiveth an attachment to these; from attachment ariseth desire; from desire anger cometh forth;
२.६३क्रोधाद्भवति संमोहः संमोहात्स्मृतिविभ्रमः।स्मृतिभ्रंशाद् बुद्धिनाशो बुद्धिनाशात्प्रणश्यति॥
krodhādbhavati saṁmohaḥ saṁmohātsmṛtivibhramaḥ |smṛtibhraṁśād buddhināśo buddhināśātpraṇaśyati ||
From anger proceedeth delusion; from delusion confused memory; from confused memory the destruction of Reason; from destruction of Reason he perishes.
२.६४रागद्वेषवियुक्तैस्तु विषयानिन्द्रियैश्चरन्।आत्मवश्यैर्विधेयात्मा प्रसादमधिगच्छति॥
rāgadveṣaviyuktaistu viṣayānindriyaiścaran |ātmavaśyairvidheyātmā prasādamadhigacchati ||
But the disciplined self, moving among sense-objects with senses free from attraction and repulsion, mastered by the Self, goeth to peace.
२.६५प्रसादे सर्वदुःखानां हानिरस्योपजायते।प्रसन्नचेतसो ह्याशु बुद्धिः पर्यवतिष्ठते॥
prasāde sarvaduḥkhānāṁ hānirasyopajāyate |prasannacetaso hyāśu buddhiḥ paryavatiṣṭhate ||
In that Peace the extinction of all pains ariseth for him, for of him whose heart is peaceful the Reason soon attaineth equilibrium.
२.६६नास्ति बुद्धिरयुक्तस्य न चायुक्तस्य भावना।न चाभावयतः शान्तिरशान्तस्य कुतः सुखम्॥
nāsti buddhirayuktasya na cāyuktasya bhāvanā |na cābhāvayataḥ śāntiraśāntasya kutaḥ sukham ||
There is no Pure Reason for the non-harmonised, nor for the non-harmonised is there concentration; for him without concentration there is no peace, and for the unpeaceful how can there be happiness?
२.६७इन्द्रियाणां हि चरतां यन्मनोऽनुविधीयते।तदस्य हरति प्रज्ञां वायुर्नावमिवाम्भसि॥
indriyāṇāṁ hi caratāṁ yanmano'nuvidhīyate |tadasya harati prajñāṁ vāyurnāvamivāmbhasi ||
Such of the roving senses as the mind yieldeth to, that hurries away the understanding, just as the gale hurries away a ship upon the waters.
२.६८तस्माद्यस्य महाबाहो निगृहीतानि सर्वशः।इन्द्रियाणीन्द्रियार्थेभ्यस्तस्य प्रज्ञा प्रतिष्ठिता॥
tasmādyasya mahābāho nigṛhītāni sarvaśaḥ |indriyāṇīndriyārthebhyastasya prajñā pratiṣṭhitā ||
Therefore, O mighty-armed, whose senses are all completely restrained from the objects of sense, of him the understanding is well poised.
२.६९या निशा सर्वभूतानां तस्यां जागर्ति संयमी।यस्यां जाग्रति भूतानि सा निशा पश्यतो मुनेः॥
yā niśā sarvabhūtānāṁ tasyāṁ jāgarti saṁyamī |yasyāṁ jāgrati bhūtāni sā niśā paśyato muneḥ ||
That which is the night of all beings, for the disciplined man is the time of waking; when other beings are waking, then is it night for the sage who seeth.
२.७०आपूर्यमाणमचलप्रतिष्ठं समुद्रमापः प्रविशन्ति यद्वत्।तद्वत्कामा यं प्रविशन्ति सर्वे स शान्तिमाप्नोति न कामकामी॥
āpūryamāṇamacalapratiṣṭhaṁ samudramāpaḥ praviśanti yadvat |tadvatkāmā yaṁ praviśanti sarve sa śāntimāpnoti na kāmakāmī ||
He attaineth Peace, into whom all desires flow as rivers flow into the ocean, which is filled with water, but remaineth unmoved—not he who desireth desires.
२.७१विहाय कामान्यः सर्वान्पुमांश्चरति निःस्पृहः।निर्ममो निरहंकारः स शांतिमधिगच्छति॥
vihāya kāmānyaḥ sarvānpumāṁścarati niḥspṛhaḥ |nirmamo nirahaṁkāraḥ sa śāṁtimadhigacchati ||
Whoso forsaketh all desires and goeth onwards free from yearnings, selfless and without egoism—he goeth to Peace.
२.७२एषा ब्राह्मी स्थितिः पार्थ नैनां प्राप्य विमुह्यति।स्थित्वाऽस्यामन्तकालेऽपि ब्रह्मनिर्वाणमृच्छति॥
eṣā brāhmī sthitiḥ pārtha naināṁ prāpya vimuhyati |sthitvā'syāmantakāle'pi brahmanirvāṇamṛcchati ||
This is the Eternal state, O son of Prithâ. Having attained thereto, none is bewildered. Who, even at the death-hour, is established therein, he goeth to the Nirvâna of the Eternal.
Sanskrit: traditional text (public domain), from the github.com/gita/gita dataset, checked by SahiVidhi verse by verse against the Devanagari of Besant's 1905 edition — encoding errors and dropped endings corrected; remaining differences are recognised variant readings. Roman transliteration generated by SahiVidhi. English: Annie Besant, The Bhagavad-Gita, 4th edition (1905) — public domain; transcription from Wikisource.
