१२.१अर्जुन उवाच arjuna uvācaएवं सततयुक्ता ये भक्तास्त्वां पर्युपासते।येचाप्यक्षरमव्यक्तं तेषां के योगवित्तमाः॥
evaṁ satatayuktā ye bhaktāstvāṁ paryupāsate |yecāpyakṣaramavyaktaṁ teṣāṁ ke yogavittamāḥ ||
Arjuna said: Those devotees who ever harmonised worship Thee, and those also who worship the Indestructible, the Unmanifested, whether of these is the more learned in yoga?
१२.२श्रीभगवानुवाच śrībhagavānuvācaमय्यावेश्य मनो ये मां नित्ययुक्ता उपासते।श्रद्धया परयोपेतास्ते मे युक्ततमा मताः॥
mayyāveśya mano ye māṁ nityayuktā upāsate |śraddhayā parayopetāste me yuktatamā matāḥ ||
The Blessed Lord said: They who with mind fixed on Me ever harmonised worship Me, with faith supreme endowed, these, in My opinion, are best in yoga.
१२.३ये त्वक्षरमनिर्देश्यमव्यक्तं पर्युपासते।सर्वत्रगमचिन्त्यं च कूटस्थमचलं ध्रुवम्॥
ye tvakṣaramanirdeśyamavyaktaṁ paryupāsate |sarvatragamacintyaṁ ca kūṭasthamacalaṁ dhruvam ||
They who worship the Indestructible, the Ineffable, the unmanifested, Omnipresent, and Unthinkable, the Unchanging, Immutable, Eternal,
१२.४संनियम्येन्द्रियग्रामं सर्वत्र समबुद्धयः।ते प्राप्नुवन्ति मामेव सर्वभूतहिते रताः॥
saṁniyamyendriyagrāmaṁ sarvatra samabuddhayaḥ |te prāpnuvanti māmeva sarvabhūtahite ratāḥ ||
Restraining and subduing the senses, regarding everything equally, in the welfare of all rejoicing, these also come unto Me.
१२.५क्लेशोऽधिकतरस्तेषामव्यक्तासक्तचेतसाम्।अव्यक्ता हि गतिर्दुःखं देहवद्भिरवाप्यते॥
kleśo'dhikatarasteṣāmavyaktāsaktacetasām |avyaktā hi gatirduḥkhaṁ dehavadbhiravāpyate ||
The difficulty of those whose minds are set on the Unmanifested is greater; for the path of the Unmanifested is hard for the embodied to reach.
१२.६ये तु सर्वाणि कर्माणि मयि संन्यस्य मत्पराः।अनन्येनैव योगेन मां ध्यायन्त उपासते॥
ye tu sarvāṇi karmāṇi mayi saṁnyasya matparāḥ |ananyenaiva yogena māṁ dhyāyanta upāsate ||
Those verily who, renouncing all actions in Me and intent on Me, worship meditating on Me, with whole-hearted yoga,
१२.७तेषामहं समुद्धर्ता मृत्युसंसारसागरात्।भवामि नचिरात्पार्थ मय्यावेशितचेतसाम्॥
teṣāmahaṁ samuddhartā mṛtyusaṁsārasāgarāt |bhavāmi nacirātpārtha mayyāveśitacetasām ||
These I speedily lift up from the ocean of death and existence, O Pârtha, their minds being fixed on Me.
१२.८मय्येव मन आधत्स्व मयि बुद्धिं निवेशय।निवसिष्यसि मय्येव अत ऊर्ध्वं न संशयः॥
mayyeva mana ādhatsva mayi buddhiṁ niveśaya |nivasiṣyasi mayyeva ata ūrdhvaṁ na saṁśayaḥ ||
Place thy mind in me, into Me let thy Reason enter; then without doubt thou shalt abide in Me hereafter.
१२.९अथ चित्तं समाधातुं न शक्नोषि मयि स्थिरम्।अभ्यासयोगेन ततो मामिच्छाप्तुं धनञ्जय॥
atha cittaṁ samādhātuṁ na śaknoṣi mayi sthiram |abhyāsayogena tato māmicchāptuṁ dhanañjaya ||
And if thou art not able firmly to fix thy mind on Me, then by the yoga of practice seek to reach Me, O Dhananjaya.
१२.१०अभ्यासेऽप्यसमर्थोऽसि मत्कर्मपरमो भव।मदर्थमपि कर्माणि कुर्वन् सिद्धिमवाप्स्यसि॥
abhyāse'pyasamartho'si matkarmaparamo bhava |madarthamapi karmāṇi kurvan siddhimavāpsyasi ||
If also thou art not equal to constant practice, be intent on My service; performing actions for My sake, thou shalt attain perfection.
१२.११अथैतदप्यशक्तोऽसि कर्तुं मद्योगमाश्रितः।सर्वकर्मफलत्यागं ततः कुरु यतात्मवान्॥
athaitadapyaśakto'si kartuṁ madyogamāśritaḥ |sarvakarmaphalatyāgaṁ tataḥ kuru yatātmavān ||
If even to do this thou hast not strength, then, taking refuge in union with Me, renounce all fruit of action with the self controlled.
१२.१२श्रेयो हि ज्ञानमभ्यासाज्ज्ञानाद्ध्यानं विशिष्यते।ध्यानात्कर्मफलत्यागस्त्यागाच्छान्तिरनन्तरम्॥
śreyo hi jñānamabhyāsājjñānāddhyānaṁ viśiṣyate |dhyānātkarmaphalatyāgastyāgācchāntiranantaram ||
Better indeed is wisdom than constant-practice; than wisdom, meditation is better; than meditation, renunciation of the fruit of action; on renunciation follows peace.
१२.१३अद्वेष्टा सर्वभूतानां मैत्रः करुण एव च।निर्ममो निरहङ्कारः समदुःखसुखः क्षमी॥
adveṣṭā sarvabhūtānāṁ maitraḥ karuṇa eva ca |nirmamo nirahaṅkāraḥ samaduḥkhasukhaḥ kṣamī ||
He who beareth no ill-will to any being, friendly and compassionate, without attachment and egoism, balanced in pleasure and pain, and forgiving,
१२.१४सन्तुष्टः सततं योगी यतात्मा दृढनिश्चयः।मय्यर्पितमनोबुद्धिर्यो मद्भक्तः स मे प्रियः॥
santuṣṭaḥ satataṁ yogī yatātmā dṛḍhaniścayaḥ |mayyarpitamanobuddhiryo madbhaktaḥ sa me priyaḥ ||
Ever content, harmonious, with the self-controlled, resolute, with mind and Reason dedicated to Me, he, My devotee, is dear to Me.
१२.१५यस्मान्नोद्विजते लोको लोकान्नोद्विजते च यः।हर्षामर्षभयोद्वेगैर्मुक्तो यः स च मे प्रियः॥
yasmānnodvijate loko lokānnodvijate ca yaḥ |harṣāmarṣabhayodvegairmukto yaḥ sa ca me priyaḥ ||
He from whom the world doth not shrink away, who doth not shrink away from the world, freed from the anxieties of joy, anger, and fear, he is dear to me.
१२.१६अनपेक्षः शुचिर्दक्ष उदासीनो गतव्यथः।सर्वारम्भपरित्यागी यो मद्भक्तः स मे प्रियः॥
anapekṣaḥ śucirdakṣa udāsīno gatavyathaḥ |sarvārambhaparityāgī yo madbhaktaḥ sa me priyaḥ ||
He who wants nothing, is pure, expert, passionless, untroubled, renouncing every undertaking, he, My devotee, is dear to Me.
१२.१७यो न हृष्यति न द्वेष्टि न शोचति न काङ्क्षति।शुभाशुभपरित्यागी भक्तिमान्यः स मे प्रियः॥
yo na hṛṣyati na dveṣṭi na śocati na kāṅkṣati |śubhāśubhaparityāgī bhaktimānyaḥ sa me priyaḥ ||
He who neither loveth nor hateth, nor grieveth, nor desireth, renouncing good and evil, full of devotion, he is dear to Me.
१२.१८समः शत्रौ च मित्रे च तथा मानापमानयोः।शीतोष्णसुखदुःखेषु समः सङ्गविवर्जितः॥
samaḥ śatrau ca mitre ca tathā mānāpamānayoḥ |śītoṣṇasukhaduḥkheṣu samaḥ saṅgavivarjitaḥ ||
Alike to foe and friend, and also in fame and ignominy, alike in cold and heat, pleasures and pains, destitute of attachment,
१२.१९तुल्यनिन्दास्तुतिर्मौनी सन्तुष्टो येनकेनचित्।अनिकेतः स्थिरमतिर्भक्तिमान्मे प्रियो नरः॥
tulyanindāstutirmaunī santuṣṭo yenakenacit |aniketaḥ sthiramatirbhaktimānme priyo naraḥ ||
Taking equally praise and reproach, silent, wholly content with what cometh, homeless, firm in mind, full of devotion, that man is dear to Me.
१२.२०ये तु धर्म्यामृतमिदं यथोक्तं पर्युपासते।श्रद्दधाना मत्परमा भक्तास्तेऽतीव मे प्रियाः॥
ye tu dharmyāmṛtamidaṁ yathoktaṁ paryupāsate |śraddadhānā matparamā bhaktāste'tīva me priyāḥ ||
They verily who partake of this life-giving wisdom as taught herein, endued with faith, I their supreme Object, devotees, they are surpassingly dear to Me.
Sanskrit: traditional text (public domain), from the github.com/gita/gita dataset, checked by SahiVidhi verse by verse against the Devanagari of Besant's 1905 edition — encoding errors and dropped endings corrected; remaining differences are recognised variant readings. Roman transliteration generated by SahiVidhi. English: Annie Besant, The Bhagavad-Gita, 4th edition (1905) — public domain; transcription from Wikisource.
