१०.१श्रीभगवानुवाच śrībhagavānuvācaभूय एव महाबाहो शृणु मे परमं वचः।यत्तेऽहं प्रीयमाणाय वक्ष्यामि हितकाम्यया॥
bhūya eva mahābāho śṛṇu me paramaṁ vacaḥ |yatte'haṁ prīyamāṇāya vakṣyāmi hitakāmyayā ||
The Blessed Lord said: Again, O mighty-armed, hear thou My supreme word, that, desiring thy welfare, I will declare to thee who art beloved.
१०.२न मे विदुः सुरगणाः प्रभवं न महर्षयः।अहमादिर्हि देवानां महर्षीणां च सर्वशः॥
na me viduḥ suragaṇāḥ prabhavaṁ na maharṣayaḥ |ahamādirhi devānāṁ maharṣīṇāṁ ca sarvaśaḥ ||
The multitude of the Shining Ones, or the great Rishis, know not my forthcoming, for I am the beginning of all the Shining Ones and the great Rishis.
१०.३यो मामजमनादिं च वेत्ति लोकमहेश्वरम्।असम्मूढः स मर्त्येषु सर्वपापैः प्रमुच्यते॥
yo māmajamanādiṁ ca vetti lokamaheśvaram |asammūḍhaḥ sa martyeṣu sarvapāpaiḥ pramucyate ||
He who knoweth Me, unborn, beginningless, the great Lord of the world, he among mortals without delusion, is liberated from all sin.
१०.४बुद्धिर्ज्ञानमसंमोहः क्षमा सत्यं दमः शमः।सुखं दुःखं भवोऽभावो भयं चाभयमेव च॥
buddhirjñānamasaṁmohaḥ kṣamā satyaṁ damaḥ śamaḥ |sukhaṁ duḥkhaṁ bhavo'bhāvo bhayaṁ cābhayameva ca ||
Reason, wisdom, non-illusion, forgiveness, truth, self-restraint, calmness, pleasure, pain, existence, non-existence, fear, and also courage
१०.५अहिंसा समता तुष्टिस्तपो दानं यशोऽयशः।भवन्ति भावा भूतानां मत्त एव पृथग्विधाः॥
ahiṁsā samatā tuṣṭistapo dānaṁ yaśo'yaśaḥ |bhavanti bhāvā bhūtānāṁ matta eva pṛthagvidhāḥ ||
Harmlessness, equanimity, content, austerity, almsgiving, fame and obloquy are the various characteristics of beings issuing from Me.
१०.६महर्षयः सप्त पूर्वे चत्वारो मनवस्तथा।मद्भावा मानसा जाता येषां लोक इमाः प्रजाः॥
maharṣayaḥ sapta pūrve catvāro manavastathā |madbhāvā mānasā jātā yeṣāṁ loka imāḥ prajāḥ ||
The seven great Rishis, the ancient Four, and also the Manus, were born of My nature, and mind; of them this race was generated.
१०.७एतां विभूतिं योगं च मम यो वेत्ति तत्त्वतः।सोऽविकम्पेन योगेन युज्यते नात्र संशयः॥
etāṁ vibhūtiṁ yogaṁ ca mama yo vetti tattvataḥ |so'vikampena yogena yujyate nātra saṁśayaḥ ||
He who knows in essence that sovereignty and yoga of Mine, he is harmonised by unfaltering yoga; there is no doubt thereof.
१०.८अहं सर्वस्य प्रभवो मत्तः सर्वं प्रवर्तते।इति मत्वा भजन्ते मां बुधा भावसमन्विताः॥
ahaṁ sarvasya prabhavo mattaḥ sarvaṁ pravartate |iti matvā bhajante māṁ budhā bhāvasamanvitāḥ ||
I am the Generator of all; all evolves from Me; understanding thus, the wise adore Me in rapt emotion.
१०.९मच्चित्ता मद्गतप्राणा बोधयन्तः परस्परम्।कथयन्तश्च मां नित्यं तुष्यन्ति च रमन्ति च॥
maccittā madgataprāṇā bodhayantaḥ parasparam |kathayantaśca māṁ nityaṁ tuṣyanti ca ramanti ca ||
Mindful of Me, their life hidden in Me, illumining each other, ever conversing about Me, they are content and joyful.
१०.१०तेषां सततयुक्तानां भजतां प्रीतिपूर्वकम्।ददामि बुद्धियोगं तं येन मामुपयान्ति ते॥
teṣāṁ satatayuktānāṁ bhajatāṁ prītipūrvakam |dadāmi buddhiyogaṁ taṁ yena māmupayānti te ||
To these, ever harmonious, worshipping in love, I give the yoga of discrimination by which they come unto Me.
१०.११तेषामेवानुकम्पार्थमहमज्ञानजं तमः।नाशयाम्यात्मभावस्थो ज्ञानदीपेन भास्वता॥
teṣāmevānukampārthamahamajñānajaṁ tamaḥ |nāśayāmyātmabhāvastho jñānadīpena bhāsvatā ||
Out of pure compassion for them, dwelling within their Self, I destroy the ignorance-born darkness by the shining lamp of wisdom.
१०.१२अर्जुन उवाच arjuna uvācaपरं ब्रह्म परं धाम पवित्रं परमं भवान्।पुरुषं शाश्वतं दिव्यमादिदेवमजं विभुम्॥
paraṁ brahma paraṁ dhāma pavitraṁ paramaṁ bhavān |puruṣaṁ śāśvataṁ divyamādidevamajaṁ vibhum ||
Arjuna said: Thou art the supreme Eternal, the supreme Abode, the supreme Purity, eternal divine man, primeval Deity, unborn, the Lord!
१०.१३आहुस्त्वामृषयः सर्वे देवर्षिर्नारदस्तथा।असितो देवलो व्यासः स्वयं चैव ब्रवीषि मे॥
āhustvāmṛṣayaḥ sarve devarṣirnāradastathā |asito devalo vyāsaḥ svayaṁ caiva bravīṣi me ||
All the Rishis have thus acclaimed Thee, as also the divine Rishi, Nârada; so Asita, Devala, and Vyâsa; and now Thou Thyself tellest it me.
१०.१४सर्वमेतदृतं मन्ये यन्मां वदसि केशव।न हि ते भगवन् व्यक्तिं विदुर्देवा न दानवाः॥
sarvametadṛtaṁ manye yanmāṁ vadasi keśava |na hi te bhagavan vyaktiṁ vidurdevā na dānavāḥ ||
All this I believe true that Thou sayest to me, O Keshava. Thy manifestation, O Blessed Lord, neither Shining Ones nor Dânavas comprehend.
१०.१५स्वयमेवात्मनाऽत्मानं वेत्थ त्वं पुरुषोत्तम।भूतभावन भूतेश देवदेव जगत्पते॥
svayamevātmanā'tmānaṁ vettha tvaṁ puruṣottama |bhūtabhāvana bhūteśa devadeva jagatpate ||
Thyself indeed knowest Thyself by Thyself, O Purushottama; Source of beings, Lord of beings, Shining One of Shining Ones, Ruler of the world!
१०.१६वक्तुमर्हस्यशेषेण दिव्या ह्यात्मविभूतयः।याभिर्विभूतिभिर्लोकानिमांस्त्वं व्याप्य तिष्ठसि॥
vaktumarhasyaśeṣeṇa divyā hyātmavibhūtayaḥ |yābhirvibhūtibhirlokānimāṁstvaṁ vyāpya tiṣṭhasi ||
Deign to tell without reserve of Thine own divine glories, by which glories Thou remainest, pervading these worlds.
१०.१७कथं विद्यामहं योगिंस्त्वां सदा परिचिन्तयन्।केषु केषु च भावेषु चिन्त्योऽसि भगवन्मया॥
kathaṁ vidyāmahaṁ yogiṁstvāṁ sadā paricintayan |keṣu keṣu ca bhāveṣu cintyo'si bhagavanmayā ||
How may I know thee, O Yogi, by constant meditation? In what, in what aspects art Thou to be thought of by me, O blessed Lord?
१०.१८विस्तरेणात्मनो योगं विभूतिं च जनार्दन।भूयः कथय तृप्तिर्हि शृण्वतो नास्ति मेऽमृतम्॥
vistareṇātmano yogaṁ vibhūtiṁ ca janārdana |bhūyaḥ kathaya tṛptirhi śṛṇvato nāsti me'mṛtam ||
In detail tell me again of Thy yoga and glory, O Janardana; for me there is never satiety in hearing thy life-giving words.
१०.१९श्रीभगवानुवाच śrībhagavānuvācaहन्त ते कथयिष्यामि दिव्या ह्यात्मविभूतयः।प्राधान्यतः कुरुश्रेष्ठ नास्त्यन्तो विस्तरस्य मे॥
hanta te kathayiṣyāmi divyā hyātmavibhūtayaḥ |prādhānyataḥ kuruśreṣṭha nāstyanto vistarasya me ||
The Blessed Lord said: Blessed be thou! I will declare to thee My divine glory by its chief characteristics, O best of the Kurus; there is no end to details of Me.
१०.२०अहमात्मा गुडाकेश सर्वभूताशयस्थितः।अहमादिश्च मध्यं च भूतानामन्त एव च॥
ahamātmā guḍākeśa sarvabhūtāśayasthitaḥ |ahamādiśca madhyaṁ ca bhūtānāmanta eva ca ||
I, O Gudakesha, am the Self, seated in the heart of all beings; I am the beginning, the middle, and also the end of all beings.
१०.२१आदित्यानामहं विष्णुर्ज्योतिषां रविरंशुमान्।मरीचिर्मरुतामस्मि नक्षत्राणामहं शशी॥
ādityānāmahaṁ viṣṇurjyotiṣāṁ raviraṁśumān |marīcirmarutāmasmi nakṣatrāṇāmahaṁ śaśī ||
Of the Adityas I am Vishnu; of radiances the glorious sun; I am Marîchi of the Maruts; of the asterisms the Moon am I.
१०.२२वेदानां सामवेदोऽस्मि देवानामस्मि वासवः।इन्द्रियाणां मनश्चास्मि भूतानामस्मि चेतना॥
vedānāṁ sāmavedo'smi devānāmasmi vāsavaḥ |indriyāṇāṁ manaścāsmi bhūtānāmasmi cetanā ||
Of the Vedas I am the Sâma-Veda; I am Vâsava of the Shining Ones; and of the senses I am the mind; I am of living beings the intelligence.
१०.२३रुद्राणां शङ्करश्चास्मि वित्तेशो यक्षरक्षसाम्।वसूनां पावकश्चास्मि मेरुः शिखरिणामहम्॥
rudrāṇāṁ śaṅkaraścāsmi vitteśo yakṣarakṣasām |vasūnāṁ pāvakaścāsmi meruḥ śikhariṇāmaham ||
And of the Rudras Shañkara am I; Vittesha of the Yakshas and Râkshasas; and of the Vasus I am Pâvaka; Meru of high mountains am I.
१०.२४पुरोधसां च मुख्यं मां विद्धि पार्थ बृहस्पतिम्।सेनानीनामहं स्कन्दः सरसामस्मि सागरः॥
purodhasāṁ ca mukhyaṁ māṁ viddhi pārtha bṛhaspatim |senānīnāmahaṁ skandaḥ sarasāmasmi sāgaraḥ ||
And know Me, O Pârtha, of household priests the chief, Brihaspati: of generals I am Skanda; of lakes I am the ocean.
१०.२५महर्षीणां भृगुरहं गिरामस्म्येकमक्षरम्।यज्ञानां जपयज्ञोऽस्मि स्थावराणां हिमालयः॥
maharṣīṇāṁ bhṛgurahaṁ girāmasmyekamakṣaram |yajñānāṁ japayajño'smi sthāvarāṇāṁ himālayaḥ ||
Of the great Rishis Bhṛigu; of speech I am the one syllable; of sacrifices I am the sacrifice of silent repetitions; of immovable things the Himâlaya.
१०.२६अश्वत्थः सर्ववृक्षाणां देवर्षीणां च नारदः।गन्धर्वाणां चित्ररथः सिद्धानां कपिलो मुनिः॥
aśvatthaḥ sarvavṛkṣāṇāṁ devarṣīṇāṁ ca nāradaḥ |gandharvāṇāṁ citrarathaḥ siddhānāṁ kapilo muniḥ ||
Asvattha of all tree; and of divine Rishis Nârada; of Gandharvas Chitraratha; of the perfected the Muni Kapila.
१०.२७उच्चैःश्रवसमश्वानां विद्धि माममृतोद्भवम्।ऐरावतं गजेन्द्राणां नराणां च नराधिपम्॥
uccaiḥśravasamaśvānāṁ viddhi māmamṛtodbhavam |airāvataṁ gajendrāṇāṁ narāṇāṁ ca narādhipam ||
Uchchaishravas of horses know me, nectar-born; Airâvata of lordly elephants, and of men the Monarch.
१०.२८आयुधानामहं वज्रं धेनूनामस्मि कामधुक्।प्रजनश्चास्मि कन्दर्पः सर्पाणामस्मि वासुकिः॥
āyudhānāmahaṁ vajraṁ dhenūnāmasmi kāmadhuk |prajanaścāsmi kandarpaḥ sarpāṇāmasmi vāsukiḥ ||
Of weapons I am the thunderbolt; of cows I am Kâmadhuk; I am Kandarpa of the progenitors; of serpents Vâsuki am I.
१०.२९अनन्तश्चास्मि नागानां वरुणो यादसामहम्।पितॄणामर्यमा चास्मि यमः संयमतामहम्॥
anantaścāsmi nāgānāṁ varuṇo yādasāmaham |pitṝṇāmaryamā cāsmi yamaḥ saṁyamatāmaham ||
And I am Ananta of Nâgas, Varuna of sea-dwellers I; and of ancestors Aryaman; Yama of governors am I.
१०.३०प्रह्लादश्चास्मि दैत्यानां कालः कलयतामहम्।मृगाणां च मृगेन्द्रोऽहं वैनतेयश्च पक्षिणाम्॥
prahlādaścāsmi daityānāṁ kālaḥ kalayatāmaham |mṛgāṇāṁ ca mṛgendro'haṁ vainateyaśca pakṣiṇām ||
And I am Prahlâda of Daityas; of calculators Time am I; and of wild beasts I the imperial beast; and Vainateya of birds.
१०.३१पवनः पवतामस्मि रामः शस्त्रभृतामहम्।झषाणां मकरश्चास्मि स्रोतसामस्मि जाह्नवी॥
pavanaḥ pavatāmasmi rāmaḥ śastrabhṛtāmaham |jhaṣāṇāṁ makaraścāsmi srotasāmasmi jāhnavī ||
Of purifiers I am the wind; Rama of warriors I; and I am Makara of fishes; of streams the Gangâ am I.
१०.३२सर्गाणामादिरन्तश्च मध्यं चैवाहमर्जुन।अध्यात्मविद्या विद्यानां वादः प्रवदतामहम्॥
sargāṇāmādirantaśca madhyaṁ caivāhamarjuna |adhyātmavidyā vidyānāṁ vādaḥ pravadatāmaham ||
Of creations the beginning and the ending, and also the middle am I, O Arjuna. Of sciences the science concerning the Self; the speech of orators I.
१०.३३अक्षराणामकारोऽस्मि द्वन्द्वः सामासिकस्य च।अहमेवाक्षयः कालो धाताऽहं विश्वतोमुखः॥
akṣarāṇāmakāro'smi dvandvaḥ sāmāsikasya ca |ahamevākṣayaḥ kālo dhātā'haṁ viśvatomukhaḥ ||
Of letters the letter A I am, and the duality of a compound; I also everlasting Time; I the Supporter, whose face turns everywhere.
१०.३४मृत्युः सर्वहरश्चाहमुद्भवश्च भविष्यताम्।कीर्तिः श्रीर्वाक्च नारीणां स्मृतिर्मेधा धृतिः क्षमा॥
mṛtyuḥ sarvaharaścāhamudbhavaśca bhaviṣyatām |kīrtiḥ śrīrvākca nārīṇāṁ smṛtirmedhā dhṛtiḥ kṣamā ||
And all-devouring Death am I, and the origin of all to come; and of feminine qualities, fame, prosperity, speech, memory, intelligence, constancy, forgiveness.
१०.३५बृहत्साम तथा साम्नां गायत्री छन्दसामहम्।मासानां मार्गशीर्षोऽहमृतूनां कुसुमाकरः॥
bṛhatsāma tathā sāmnāṁ gāyatrī chandasāmaham |māsānāṁ mārgaśīrṣo'hamṛtūnāṁ kusumākaraḥ ||
Of hymns also Brihatsâman; Gâyatrî of metres am I; of months I am Mârgasîrsha; of seasons the flowery.
१०.३६द्यूतं छलयतामस्मि तेजस्तेजस्विनामहम्।जयोऽस्मि व्यवसायोऽस्मि सत्त्वं सत्त्ववतामहम्॥
dyūtaṁ chalayatāmasmi tejastejasvināmaham |jayo'smi vyavasāyo'smi sattvaṁ sattvavatāmaham ||
I am the gambling of the cheat, and the splendour of splendid things I; I am victory, I am determination, and the truth of the truthful I.
१०.३७वृष्णीनां वासुदेवोऽस्मि पाण्डवानां धनंजयः।मुनीनामप्यहं व्यासः कवीनामुशना कविः॥
vṛṣṇīnāṁ vāsudevo'smi pāṇḍavānāṁ dhanaṁjayaḥ |munīnāmapyahaṁ vyāsaḥ kavīnāmuśanā kaviḥ ||
Of the Vṛishnis Vâsudeva am I; of the Pândavas Dhananjaya; of the Sages also I am Vyâsa; of poets Ushanâ the Bard.
१०.३८दण्डो दमयतामस्मि नीतिरस्मि जिगीषताम्।मौनं चैवास्मि गुह्यानां ज्ञानं ज्ञानवतामहम्॥
daṇḍo damayatāmasmi nītirasmi jigīṣatām |maunaṁ caivāsmi guhyānāṁ jñānaṁ jñānavatāmaham ||
Of rulers I am the sceptre; of those that seek victory I am statesmanship; and of secrets I am also silence; the knowledge of knowers am I.
१०.३९यच्चापि सर्वभूतानां बीजं तदहमर्जुन।न तदस्ति विना यत्स्यान्मया भूतं चराचरम्॥
yaccāpi sarvabhūtānāṁ bījaṁ tadahamarjuna |na tadasti vinā yatsyānmayā bhūtaṁ carācaram ||
And whatsoever is the seed of all beings, that am I, O Arjuna; nor is there aught, moving or unmoving, that may exist bereft of Me.
१०.४०नान्तोऽस्ति मम दिव्यानां विभूतीनां परंतप।एष तूद्देशतः प्रोक्तो विभूतेर्विस्तरो मया॥
nānto'sti mama divyānāṁ vibhūtīnāṁ paraṁtapa |eṣa tūddeśataḥ prokto vibhūtervistaro mayā ||
There is no end of My divine powers, O Parantapa. What has been declared is illustrative of My infinite glory.
१०.४१यद्यद्विभूतिमत्सत्त्वं श्रीमदूर्जितमेव वा।तत्तदेवावगच्छ त्वं मम तेजोंऽशसंभवम्॥
yadyadvibhūtimatsattvaṁ śrīmadūrjitameva vā |tattadevāvagaccha tvaṁ mama tejoṁ'śasaṁbhavam ||
Whatsoever is glorious, good, beautiful, and mighty, understand thou that to go forth from a fragment of My splendour.
१०.४२अथवा बहुनैतेन किं ज्ञातेन तवार्जुन।विष्टभ्याहमिदं कृत्स्नमेकांशेन स्थितो जगत्॥
athavā bahunaitena kiṁ jñātena tavārjuna |viṣṭabhyāhamidaṁ kṛtsnamekāṁśena sthito jagat ||
But what is the knowledge of all these details to thee, O Arjuna? Having pervaded this whole universe with one fragment of Myself, I remain.
Sanskrit: traditional text (public domain), from the github.com/gita/gita dataset, checked by SahiVidhi verse by verse against the Devanagari of Besant's 1905 edition — encoding errors and dropped endings corrected; remaining differences are recognised variant readings. Roman transliteration generated by SahiVidhi. English: Annie Besant, The Bhagavad-Gita, 4th edition (1905) — public domain; transcription from Wikisource.
